Minggu, 22 Mei 2011

Ganti Operator

Mina deng Yako ni laki bini. Dong tinggal dalam rumah deng orang banya karena dong ada tampung basudara pung ana-ana par datang kuliah di kota lai. Setiap kali mau berhubungan suami istri, dong paling repot mau bilang di muka orang banya. Dong cari akal jadi cipta istilah "Isi Pulsa" kalo mau berhubungan.

Satu waktu Mina pulang karja

Yako: "Mina, ale pung HP tu su abis pulsa kapa. Isi pulsa dolo .."
Mina: (masih lalah pulang karja) "Yako eee, beta pung HP ada lowbat jadi seng bisa isi pulsa ..!!"

Yako tahang hati saja ...
Akang pung besok malam, bagitu lai.

Yako: "Mina eeee, kamareng HP tu balong isi pulsa. Isi pulsa dolo jua ... !!!"
Mina: (balong pung hasrat) "Adoeee, mau isi pulsa bagimana lai Yako eee... HP ni akang seng ada signal .!!"

Yako tahang tarus ..
Besok malam Yako coba lai ..

Yako: "Ma eeee ,.. ale su dua hari ni seng isi pulsa di HP tuh, sakang pulsa abis la seng bisa telpon jua ..."
Mina: (baru dapa mens) "Papa eee ... mama mau isi pulsa, cuma ada gangguan jaringan lai ni. Jaringan ni akang terganggu mangkali nanti barang 3 hari kapa eeee ..."

Yako su pamalas, seng mau minta-minta lai ..
1 minggu kemudian, giliran Mina yang minta ..

Mina: "Papa eee, beta pung pulsa di HP ni su abis. Isi pulsa dolo kapa ..???"
Yako: "HHHeeeEhhh,, pastiu lai deng se pung HP tu Mina. Beta su ganti Operator .... !!!"
Mina: " .... ??????!!!!"


Tidak ada komentar:

Sampah Ambon