Minggu, 22 Mei 2011

Khan Bisa Pake Lilin

Mace satu ni de sambut suami pulang kantor dengan senyum mesra.

Mace: “pace, sa terlambat 1 bulan, tong mau pu ade bayi. Tapi ko jang bilang sapa-sapa dulu, nanti malu kalo tra jadi."

Besok paginya ada tukang tagih listrik datang. Dia ketemu dengan Mace dan bilang

Tukang Listrik: "Mace, ko su terlambat 1 bulan!”
Mace: “Hah dari mana ko tau ?”
Tukang Listrik: “Ini ada di tong pu catatan ... ”
Mace: “Haaah ... jang ko main-main. Masa sampai ada di ko pu catatan?”
Tukang Listrik: "Iyo sudah, pokoknya ko su terlambat 1 bulan. Ko tra bisa tipu."

Abis bilang itu, tukang tagih listrik pergi ke rumah sebelah.
Mace tunggu pace pulang, mace kasih tau pace.

Mace: "Pace, ko mulut ember skali. Sa su bilang ko, jangan bilang-bilang dulu buat siapa-siapa kalo sa su terlambat 1 bulan. Ini tukang tagih listrik saja ko kasih tau."

Pace marah-marah, besok paginya pace de pergi ke kantor pembayaran listrik

Pace: “Bagaimana ini, darimana ko bisa tau sa pu maitua terlambat 1 bulan?”
Tukang Listrik: “Sabar, sabar pace ... Tong pu catatan ada. Kalau ko ingin catatan itu dihapus ko tinggal bayar saja to".

Pace langsung pikir (Wah… pemerasan nih ...!)

Pace: “Kalau sa tra mau bayar, ko mau apa ..??
Tukang Listrik: “Wah pace, nanti tong putus ko punya .. !!!”
Pace: “Wah ... kalau sa punya kam putus, trus sa pu maitua di rumah pakai apa?”
Tukang Listrik: “Yaaaaa .... ko pu maitua bisa tahan-tahan deng lilin saja to ..??!!"

2 komentar:

Steve Gaspersz mengatakan...

hahaha.... abang e, ale pung stok carita ni mantap paskali. ingatang jang lupa kas suara ade Iky di yogya sana... macam laki2 seng suara2 lai ka?

t4l4mburang mengatakan...

Heheheee ... Abang SG, ade Iky ada kapala sakit deng teori tentang gereja. Beta bilang dia, gereja koq diteorikan ... bilang saja iko suka, dong jua seng mangarti akang di kampus tuh ... yang penting runtut.

Nyanyian Jemaat GPM No. 36. "Saat Ini"